Sesan.com: មាន់ក្រិច ឬចាបឡាក់🐔🐔

➡️មាន់ក្រិច ឬហៅម្យ៉ាងទៀតថា ចាបឡាក់ ជាប្រភេទមាន់ដែលមានតម្លៃថ្លៃគួរសម និងពេញនិយមសម្រាប់ជនជាតិចិន ប៉ុន្តែទីផ្សារមិនសូវទូលំទូលាយ។🐔🐔

មាន់ក្រិច ឬចាបឡាក់នេះភាគច្រើនត្រូវបានគេចិញ្ចឹមសម្រាប់លម្អនៅតាមផ្ទះ តាមរមណីយដ្ឋាន និងនៅតាមសួនសត្វជាដើមព្រោះមាន់ប្រភេទនេះមានសម្បុរប្លែកគួរឲ្យទាក់ទាញ។

➡️សាច់មាន់ក្រិច ខុសពីមាន់ស្រែ និងមាន់ដទៃ។ វាមានរសជាតិឆ្ងាញ់ ផ្អែម និងមានសាច់ស្វិត នេះតាមការបញ្ជាក់របស់លោក "វ៉ែន លាប" ហើយបានបន្ថែមថា មុខម្ហូបដែលពេញនិយមជាងគេ គឺសម្លរម្ជូរគ្រឿង ណាំង៉ូវ និងបបរគ្រឿង។

➡️ការចិញ្ចឹមមាន់ក្រិច មានរយៈពេល៣ខែ ដែលនឹងមានទម្ងន់៧ខាំទៅ១គីឡូក្រាម។ មាន់ក្រិច ចូលចិត្តស៊ីរុក្ខជាតិ ដូចជា ត្រួយស្មៅ ត្រកួន ជាដើម ជាអាហារ។ ដូច្នេះ វាត្រូវការរស់នៅតាមទីវាល ច្រើនជាងនៅក្នុងទ្រុង។ ម្យ៉ាងទៀត មាន់ក្រិច មានលទ្ធភាព ផ្ដល់ពងប្រមាណ ១០០គ្រាប់ក្នុងមួយរដូវ។ រដូវមាន់ក្រិចពង ចន្លោះចាប់ពីខែមេសារហូតខែកក្កដា។