Tuesday, 26 July 2022

ជំងឺរលួយលើដំណាំល្ហុង🌱🌱🍀🍁🍁

(រូបភាពទី៣)

នេះគឺជាសញ្ញានៃជំងឺរលួយឬស Phytophthora rots ដែលជាទូទៅកើតមានឡើងនៅលើ ស្លឹក ដើម ហើយនិងផ្លែ។ ហើយជាធម្មតាវារាលដាលនៅពេលមានភ្លៀងធ្លាក់ជោគជាំ (ខ្ចាយស្ព័រពេលមានភ្លៀង) និងស្របពេលដែលមានខ្យល់ (ធ្វើឲ្យស្ព័ររបស់ឆ្សិតហើរក្នុងខ្យល់)។ ជំងឺនេះកើតឡើងខ្លាំងនៅពេលដែលមានភ្លៀងធ្លាក់ជាប់ៗគ្នាជាច្រើនថ្ងៃ ហើយមុនពេលមានភ្លៀងអាកាសធាតុក៏ក្ដៅហួតហែងខ្លាំង។ ល្ហុងដែលមាន ផ្ទុកជំងឺនិងលេចចេញនូវស្នាមរបួស និងមានទឹកលេចជោគជាំ ហើយនិងបន្ដរលួយរហូតដល់ចំណុចកណ្ដាលនៃដើម (មើលរូបភាពទី៣)។ នៅក្នុងរូបភាព យើងអាចឃើញថាជំងឺបានវាយលុកចូលទៅដល់ចំណុចកណ្ដាលនៃដើមហើយ ដោយឃើញនូវសរសៃពណ៌សរបស់ដើម។ ដង្កូវពណ៌សជាប្រភេទដង្កូវដែលតែងតែរស់នៅលើរបស់ដែលងាប់រលួយ (មើលរូបភាពទី ១ និង២)។ 

(រូបភាពទី១)

នៅពេលដែលជំងឺវាយលុកដល់ប្រព័ន្ធឬស វានឹងធ្វើឲ្យដំណាំក្រិន ហើស្លឹកនឹងប្រែជាពណ៌លឿង មិនយូរប៉ុន្មានស្លឹកនឹងធ្លាក់ចុះ ដោយបន្សល់ទុកស្លឹកពណ៌លឿងមួយចំនួននៅផ្នែកខាងចុង (មើលរូបភាពទី៤)។ នៅទីបំផុត ឬសរបស់ល្ហុងនឹងលេចចេញភាពរលួយ ហើយក្លាយជាម្សៅហុយពណ៌ត្នោត ឬក្រមៅ (មើលរូបភាពទី៥) ហើយល្ហុងដែលទទួលរងជំងឺនឹងងាប់នៅពេលមួយ។

(រូបភាពទី២)

ដំណាំល្ហុងដែលទទួលរងជំងឺ Phytophthora rots នឹងបាត់បង់ភាពរឹងម៉ាំនៃលំនឹងដើម នឹងរហ័សដួលដោយសារខ្យល់ខ្លាំង (មើលរូបភាពទី៦)។ ប្រសិនបើនៅក្នុងចំការរបស់អ្នកឃើញមានល្ហុងដែលដូចទៅអ្វីដែលបានរៀបរាប់ខាងលើ និងកំពុងទទួលរងជំងឺរលួយឬស Phytophthora rots នេះ អ្នកគួរតែដកវាចោលដើម្បីទប់ស្កាត់ការរាលដាលដែលនាំឲ្យគ្រោះថា្នក់ដល់ដើមផ្សេងទៀត។ 

(រូបភាពទី៤)

សម្រាប់ដីដែលធ្លាប់កើតមានជំងឺ ឬទើបតែដកដើមល្ហុងដែលមានជំងឺចេញ គួរតែកុំជួស ឬដាំកូនល្ហុងបន្ដរអី យ៉ាងហោចណាស់ទុកដីហាលចោលរយះពេលយ៉ាងតិច ៣ខែ គោលបំណងនៃការហាលដីគឺដើម្បីសម្លាប់មេរោគ ជាពិសេសគឺស្ព័ររបស់ផ្សិត។ ដីដែលជាំទឹក ឬលេចទឹកគឺជាកន្លែងដែលជំងឺតែងតែកើតមានឡើង ដូច្នេះដីដែលប្រសើរសម្រាប់ដំណាំល្ហុងគឺដីដែលច្រោះទឺកបានល្អ មិនជាំទឹ ឬលេចទឹកនោះឡើយ។

(រូបភាពទី៥ និងទី៦)
_________________________________


at No comments:

Friday, 8 July 2022

របៀបផលិតមេជីធម្មជាតិជូលីនស៊ី(EM)🍶🌱🌿🍷

ជីធម្មជាតិEM ត្រូវបានប្រើប្រាស់នៅក្នុងវិស័យកសិកម្ម ដែលមានសមត្ថភាពជួយឱ្យកសិផលរបស់កសិករ លូតលាស់បានល្អ និងបានទិន្នផលខ្ពស់។

របៀបផលិតមេជីធម្មជាតិ EM៖

១. វត្ថុធាតុដើម៖

-កន្ទក់ម៉ដ្ឋ ឬម្សៅមី ឬម្សៅសណ្ដែក១គីឡូក្រាម

-ស្ករត្នោត ឬស្ករស ឬស្កររងូ០,៣គីឡូក្រាម

-ដីដំបូក ឬដីមមោគខ្មៅនៅគុម្ពឬស្សី១គីឡូក្រាម

-ទឹកស្អាត ១-១,២លីត្រ

២. សម្ភារៈ៖

-ក្រណាត់ ឬស្បៃពណ៌ស ទំហំ ៨តឹកx៨ ១ឬ២

-ចាន ឬថាស ជ័រចំនួន ១

-កូនពាងស្ករ ឬធុងជ័រ(ធុងប៉េត្រូ) និងគ្រប ចំណុះ១០-២០លីត ចំនួ ន ១

-ជ័រស្បៃមុង ឬតំរងមួយ

-ដបទឹកសុទ្ធ ឬពីដុងជ័រ ចំនួន ១ឬ២

៣. វិធីធ្វើ៖

ដើម្បីទទួលបានមេជីធម្មជាតិEMយើងត្រូវធ្វើវាជា2ដំណាក់កាល៖

ក) ដំណាក់កាលទីមួយ

-យកដីដំបូក ឬដីមមោគខ្មៅបុកឲ្យម៉ដ្ឋហើយរែងយកដីម៉ដ្ឋទំងន់ ១ គ.ក្រ

-យកកន្ទក់ម៉ដ្ឋល្អ ១គក្រមកច្របល់ជាមួយដីដំបូកដែលបានរែងរួចឲ្យក្លាយជាល្បាយតែមួយ។

-យកស្ករត្នោត ឬស្ករសទំងន់៣ខាំមកច្របាច់លាយជាមួយទឹកស្អាតចំនួនកន្លះលីត្រឲ្យរលាយ ជាល្បាយទឹករួចយកមកចាក់ចូលជាមួយដំល្បាយកន្ទក់និងដីដំបូកម៉ដ្ឋដោយច្របល់ចូលគ្នាឲ្យសព្វ និងចាក់ទឹកចូលបន្ថែមរហូតសើមសព្វល្មមអាចពូតជាដំបាន (ដំមូលឬដំសំប៉ែត) ។

យកក្រណាត់ស្បៃមកវេចខ្ចប់ ដុំកន្ទក់និងដីដំបូកដែលមានសំណើមនោះដោយចងរុំមុខឲ្យជិត រួច លើកយក មកដាក់លើថាស់ ឬចានបន្ទាប់មកយកវាទៅផ្អាប់ទុករយ:ពេល3ថ្ងៃនៅក្នុងម្លប់ ឬក្នុងផ្ទះ ដែលស្ងួត ។បាំងឬគ្របវាឲ្យជិតមិនអោយត្រូវកំដៅថ្ងៃ និងមិនត្រូវមានការរំខានពីសត្វឬមនុស្ស ឡើយ។

បន្ទាប់ពីបានផ្អាប់ទុកអស់រយ:ពេល៣យប់មកដុំមេជីនោះធំក្លិនក្រអូបជូអែម និងមានលេចចេញ ជាសរសៃអំបោះផ្សិតពណ៌សនៅលើដុំល្បាយដីសើមនឹងបន្ទះក្រណាត់ដែលគ្របវា ។ 

                    

ខ) ដំណាក់កាលទី២៖

យកស្ករត្នោត ឬស្ករសចំនួន ១ គក្រ ដាក់ក្នុងឆ្នាំងឬខ្ទះហើយដុតភ្លើងល្មម និងកូរវារហូតឡើង ក្រហមក្រម៉ៅក្លាយជាស្ករល្ងូ ឬជាស្ករតាំងម៉ែ ទើបយើងចាក់ទឹកចូលបន្តិចដើម្បីអោយ ស្ករតាំងម៉ែ នោះរលាយខាប់ៗ(ហៅថា ម៉ូលីស្ស(Molasses)ហើយទុកឲ្យវាត្រជាក់រួចចាក់ចូលក្នុងទឹកស្អាតចំនួន១០-១៥លីត្រ ។

ដាក់ដុំជីEM ដែលមានក្លិនជូរអែមផ្អាប់ចូលរួចកូរឲ្យសព្វរួចបិទគំរបជិតទើបយកវាទៅរក្សាផ្អាប់ ទុកចំនួន ១៧-២០ថ្ងៃនៅក្នុង ឬក្រោមផ្ទះដែលងងឹត នឹង មិនឲ្យត្រូវកំដៅថ្ងៃ ។

ក្រោយពីផ្អាប់អស់រយ:ពេល១៧-២០ថ្ងៃមកមេជីធម្មជាតិEMនេះចេញក្លិនសាយភាយក្រអូបជូរអែមនៅពេលនោះហើយយើងបណ្ដុះបានមេជីធម្មជាតិEM -1 ។យើងត្រូវចាក់ច្រោះយកទឹកមេជី EM-1មកច្រកដាក់ក្នុងដបបិទគំរបឲ្យរក្សាទុកក្នុងម្លប់។ទឹកជីប្រើបានរយ:ពេល ៣ខែ ឯកាកសំណលយើងយកវាទៅចាក់កប់កែ្បរៗគុម្ពដំណាំ ឬជុំវិញគល់ឈើ។



_________________________________
at No comments:
Subscribe to: Posts (Atom)

គុណប្រយោជន៍ធំៗទាំង៥យ៉ាងរបស់ស្លឹកគ្រៃសម្រាប់យើងគ្រប់គ្នាគួរតែយល់ដឹង៖🌱🌱🍃🍃🍸

គុណប្រយោជន៍ធំៗទាំង៥យ៉ាងរបស់ស្លឹកគ្រៃសម្រាប់យើងគ្រប់គ្នាគួរតែយល់ដឹង៖🌱🌱🍃🍃🍸 ជួយដល់សុខភាពស្បែក✅ ស្លឹកគ្រៃជាប្រភេទរុក្ខជាតិម្យ៉ាងដែលមានអត្ថប...