Sesan.com: April 2022

Friday 29 April 2022

កង្វះឃ្លាំងផ្ទុកត្រជាក់ប៉ះពាល់ដល់ការនាំចេញផលិតផលកសិកម្ម🌱🍀🚒🚛🚢

ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា កង្វះកន្លែងឃ្លាំងស្តុកត្រជាក់សម្រាប់ដឹកជញ្ជូនកសិផលស្រស់ និងវិធានការតឹងរ៉ឹងក្នុងប្រទេសក្នុងអំឡុងពេលកូវិត១៩ បានបង្កឱ្យមានការរារាំងដល់ការនាំចេញកសិផលរបស់កម្ពុជា។

ក្នុងសេចក្តីថ្លែងការណ៍កាលពីថ្ងៃពុធ ក្រសួងថា កត្តាដែលជះឥទ្ធិពលដល់ការនាំចេញកសិផលស្រស់ទៅកាន់ទីផ្សារបរទេស គឺដោយសារកង្វះកន្លែងទុកត្រជាក់សម្រាប់កសិកម្ម ការរឹតបន្តឹងលើការគ្រប់គ្រងទំនិញដើម្បីការពារការរីករាលដាលនៃមេរោគកូវិត១៩ចំពោះការរឹតបន្តឹងស្តីពីអនាម័យ និងភូតគាមអនាម័យ។

ផ្អែកលើកិច្ចពិភាក្សាជាមួយអ្នកនាំចេញកសិផលធំៗមួយចំនួន ការធ្លាក់ចុះនៃការនាំចេញគឺដោយសារកត្តាមួយចំនួន រួមទាំងកង្វះកន្លែងទុកដាក់ត្រជាក់សម្រាប់កសិផលស្រស់ ដែលនាំឱ្យតម្លៃដឹកជញ្ជូនកើនឡើងខ្លាំងបើធៀបនឹងរយៈពេលមុន វិបត្តិកូវិត១៩។

ពេលនេះថ្លៃដឹកជញ្ជូនគឺខ្ពស់ជាងបីដង។ សេចក្តីថ្លែងការណ៍ដោយលើកឡើងថា ការនាំចូលផលិតផលទាំងនោះជួបការរំខាននៅក្នុងទីផ្សារប្រទេសចិន។ «ការរឹតបន្តឹងការគ្រប់គ្រងទំនិញ ដើម្បីការពារការរីករាលដាលនៃជំងឺកូវិត១៩ពីបរទេសនៅកំពង់ផែនាំចូលចិន-វៀតណាម បង្កឱ្យមានការស្ទះទំនិញ។

ការនាំចេញ ការនាំចូលទំនិញទៅប្រទេសវៀតណាមបានធ្លាក់ចុះ ខណៈដែលការនាំចេញពីប្រទេសវៀតណាមទៅកាន់ប្រទេសចិនមានការយឺតយ៉ាវដោយសារ វិបត្តិកូវិត១៩។

សេចក្តីថ្លែងការណ៍បានសរសេរថា៖ « ការរឹតបន្តឹងលើលក្ខខណ្ឌអនាម័យ និងអនាម័យដែលបណ្តាលមកពីការរកឃើញកូវិត១៩ លើការវេចខ្ចប់ចេកដោយអាជ្ញាធរគយចិន ក្រុមហ៊ុនមួយចំនួនបានផ្អាកការនាំចេញជាបណ្តោះអាសន្ន ហើយក្រុមហ៊ុនមួយចំនួនមិនបានប្រមូលផល» ។

លោក ស៊ិន ចន្ធី ប្រធានសមាគមភស្តុភារកម្ពុជាបានមានប្រសាសន៍ថា តម្លៃធម្មតានៃការដឹកជញ្ជូនទៅប្រទេសចិនគឺត្រឹមតែ ២,៥០០ ដុល្លារប៉ុណ្ណោះ ប៉ុន្តែឆ្នាំនេះឡើងដល់ ៨០០០ ដុល្លារ។

លោកបាននិយាយថា តម្លៃដឹកជញ្ជូនទៅកាន់សហរដ្ឋអាមេរិក និងអឺរ៉ុបបានកើនឡើងពីជាង ៤,០០០ ដុល្លារទៅជិត ២០,០០០ដុល្លារ ហើយគោលដៅមួយចំនួនបានកើនឡើងជាង ២០,០០0 ដុល្លារ។

លោកថា៖ « យើងដំណើរការជាធម្មតា ការដឹកជញ្ជូនអាចនឹងថយចុះទៅកាន់ប្រទេសមួយចំនួន ប៉ុន្តែកន្លែងខ្លះក៏មានតម្រូវការខ្លាំងដែរ វាមានការកើនឡើង។ សរុបមក មានការកើនឡើងនៃការដឹកជញ្ជូន ការនាំចេញ»។

លោកនាយករដ្ឋមន្រ្តី ហ៊ុន សែន បានថ្លែងក្នុងពិធីបិទសន្និបាតប្រចាំឆ្នាំរបស់ក្រសួងអប់រំ យុវជន និងកីឡាថា ការនាំចេញសម្លៀកបំពាក់ ផលិតផលឧស្សាហកម្មមិនមែនកាត់ដេរ និងកសិផលរបស់ព្រះរាជាណាចក្រកម្ពុជា បានកើនឡើង ៣៣ ភាគរយនៅក្នុងត្រីមាសទី១។

ក្រសួងកសិកម្ម រុក្ខាប្រមាញ់ និងនេសាទ កំពុងខិតខំបង្កើនផលិតកម្មប្រកបដោយគុណភាពខ្ពស់ ស្របតាមតម្រូវការរបស់ប្រទេសនាំចូល និងខិតខំចរចាអំពីតម្រូវការអនាម័យ សម្រាប់ការនាំចេញកសិផលទាំងនោះទៅកាន់ទីផ្សារបរទេស៕

ប្រភព៖ Khmer Time News /#khmertime

______________________

គ្រុបតេលេក្រាម៖ https://t.me/Sesan_group

គ្រុបលក់៖ សេសានផ្សារកសិកម្ម🌾🌱🍄🐔🐐🐄

[រូបភាពតំណាងខាងតំណាង]

គ្រុបតេលេក្រាម៖ https://t.me/Sesan_group

ឆាណេលតេលេក្រាម៖ https://t.me/joinchat/JGHFAz3o3Eo2MzU1

គ្រុបលក់(សេសានផ្សារកសិកម្ម)៖ https://www.facebook.com/groups/1141852629635517/?ref=share
តេលេក្រាមអែដមីន(Admin); https://t.me/klartdean

Facebook page sesan; https://www.facebook.com/sesan.cambodia/

Tik Tok Sesan; https://vt.tiktok.com/ZSdDLmnNR/

Youtube Sesan; https://youtube.com/channel/UCvbUTKnDrhblquM0rYSQISw

ឯកឧត្តម វេង សាខុន ប្រធានក្រុមការងាររាជរដ្ឋាភិបាលចុះមូលដ្ឋានស្រុកតំបែរ ខេត្តត្បូងឃ្មុំ ស្រុកកំពង់សៀម និងស្រុកជើងព្រៃ ខេត្តកំពង់ចាម

នាព្រឹកថ្ងៃសៅរ៍ ១៤រោច ខែចេត្រ ឆ្នាំខាល ចត្វាស័ក ព.ស. ២៥៦៥ ត្រូវនឹងថ្ងៃទី៣០ ខែមេសា ឆ្នាំ២០២២ ឯកឧត្តម វេង សាខុន ប្រធានក្រុមការងាររាជរដ្ឋាភិបាលចុះមូលដ្ឋានស្រុកតំបែរ ខេត្តត្បូងឃ្មុំ ស្រុកកំពង់សៀម និងស្រុកជើងព្រៃ ខេត្តកំពង់ចាម បានអញ្ជើញជាអធិបតីក្នុងពិធីសំណេះសំណាលជាមួយសមាជិកបក្សចំនួន ១ ០០០នាក់ អញ្ជើញមកពីឃុំអំពិល ស្រុកកំពង់ សៀម។ ក្នុងពិធីនេះក៏មានវត្តមានអញ្ជើញចូលរួមពីសំណាក់ឯកឧត្តមអនុប្រធានក្រុមការងារចុះស្រុកកំពង់សៀម ឯកឧត្តមប្រធាន អនុប្រធាន និងសមាជិកក្រុមការងារចុះជួយឃុំ លោកអភិបាលរងស្រុក មេឃុំ សមាជិកក្រុមប្រឹក្សាស្រុក ឃុំ ភូមិ និងបងប្អូនជាប្រជាពលរដ្ឋ។

ជាបឋមលោក រ័ត្ន គឹមហៃ ប្រធានគណកម្មការគណបក្សឃុំ និងជាមេឃុំអំពិលបានរាយការណ៍ជូនអង្គពិធីជ្រាបដោយសង្ខេបអំពីសមិទ្ធផលសំខាន់ៗដែលឃុំសម្រេចបានរួមមានការងារអភិវឌ្ឍ មូលដ្ឋាន ការអនុវត្តគោលនយោបាយភូមិឃុំមានសុវត្ថិភាព សកម្មភាពចូលអនុវត្តវិធានការការ ពារ និងទប់ស្កាត់ការឆ្លងរាតត្បាតជំងឺកូវីដ-១៩ ការងារបង្កបង្កើនផល សកម្មភាពចូលរួមអបអរ បុណ្យចូលឆ្នាំប្រពៃណីជាតិខ្មែរកន្លងមក។ល។ ដោយឡែក ការងារត្រៀមលក្ខណ:សម្បត្តិគ្រប់ បែបយ៉ាងដើម្បីបើកយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់នាពេលខាងមុខ ក៏ឃុំអំពិលទាំងមូលបានត្រៀមរួចរាល់ ហើយសង្ឃឹមថាឃុំអំពិលនឹងទទួលបានជោគជ័យ។

មានមតិសំណេះសំណាលជាមួយបងប្អូនសមាជិកបក្ស ឯកឧត្តមប្រធានក្រុមការងារបានពាំនាំនូវការផ្តាំផ្ញើសាកសួរសុខទុក្ខ និងសេចក្តីនឹករលឹកពីសម្តេចតេជោ ហ៊ុន សែន នាយករដ្ឋមន្រ្តី សម្តេចកិត្តិព្រឹទ្ធបណ្ឌិត មកជូនបងប្អូនដែលមានវត្តមាននាពេលនេះ ហើយសម្តេចបានជូនពរឲ្យជួបតែពុទ្ធិពរទាំង ៤ប្រការ។ មិនតែប៉ុណ្ណោះ សម្តេចតេជោបានថ្លែងអំណរគុណជូនចំពោះសមាជិកបក្សទាំងអស់ ដែលបានខិតខំបំពេញការងារទាំងការងារស្នូលដែលរាជរដ្ឋាភិបាលប្រគល់ជូន និងការ ងារគណ:បក្ស ដែលបានបង្កបរិយាកាសអំណោយផលដល់គ្រប់សកម្មភាពរបស់គណ:បក្សទាំង អស់ដែលនឹងត្រៀមខ្លួមចូលរួមធ្វើការប្រកួតប្រជែងតាមបែបប្រជាធិបតេយ្យក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាពេលខាងមុខបានយ៉ាងល្អប្រសើរ។ ភ្ជាប់នឹងសមិទ្ធផលដែល ឃុំអំពិលសម្រេចបានទាំងវិស័យពុទ្ធចក្រ និងអាណាចក្រ និងជាពិសេសការត្រៀមលក្ខណ: សម្បត្តិដើម្បីចូលរួមប្រកួតប្រជែងធ្វើការបោះឆ្នោតឲ្យទទួលបានប្រៀបឈ្នះ និងសម្រេចបានជោគជ័យតាមការរំពឹងទុក ឯកឧត្តមប្រធានក្រុមការងារបានវាយតម្លៃខ្ពស់ចំពោះឆន្ទ:ពុះពារ និងលះបង់គ្រប់បែបយ៉ាងក្នុងស្មារតីទទួលខុសត្រូវរបស់ឯកឧត្តមប្រធាន អនុប្រធាន សមាជិក ក្រុមការងារចុះជួយឃុំអំពិល និងអាជ្ញាធរមូលដ្ឋានគ្រប់លំដាប់ថ្នាក់។ កាយវិការដែលប្រកបដោយស្មារតីទទួលខុសត្រូវ ពិតជាបានបង្ហាញពីការគិតគូយកចិត្តទុក ដាក់អំពីបញ្ហាជីវភាព សេចក្តីត្រូវ ការ រួមសុខ រួមទុក្ខរបស់បងប្អូនប្រជាពលរដ្ឋនៅមូលដ្ឋាន និងជាពិសេសយកចិត្តទុកដាក់អនុវត្តប្រសាសន៍ណែនាំដ៏ខ្ពង់ខ្ពស់របស់សម្តេចតេជោ ហ៊ុន សែន ដែលបានលើកឡើងថាមន្រ្តីត្រូវចុះ មូលដ្ឋានឲ្យបានជាប់ជាប្រចាំដើម្បីប្រមូលយកនូវរាល់បញ្ហា និងសេចក្តីត្រូវការចាំបាច់របស់បងប្អូន រួចធ្វើការដោះ ស្រាយជូនឲ្យបានទាន់ពេលវេលា ទូលំទូលាយ និងមានប្រសិទ្ធភាព។

ឆ្លៀតយកឱកាសនៃការជួបជុំនេះ ឯកឧត្តមប្រធានក្រុមការងារក៏បានជម្រាបជូនអង្គពិធីផងដែរអំពីបញ្ហានយោបាយជាតិ និងអន្តរជាតិ បច្ចុប្បន្នភាពនៃវិបត្តិជំងឺឆ្លងកូវីដ-១៩ សកម្មភាពស្តារសេដ្ឋកិច្ចជាតិឡើងវិញស្របតាមគន្លងប្រក្រតីភាពថ្មី និងជាពិសេសគុណសម្បត្តិដ៏ធំធេងរបស់រាជរដ្ឋាភិបាលដែលបានកសាង និងអភិវឌ្ឍប្រទេសជាតិឲ្យមានសុខសន្តិភាព និងការរីកចម្រើនដែលយើងមាននាពេលបច្ចុប្បន្ន។ យើងមានសន្តិភាព សន្តិភាពបានគ្របបណ្តប់ពេញផ្ទៃប្រទេស សន្តិភាពបានបង្កលក្ខណ:ងាយស្រួលជូនបងប្អូនក្នុងការកសាងជីវភាព អភិវឌ្ឍមូលដ្ឋាន សេដ្ឋកិច្ច រស់នៅជួបជុំគ្រួសារ ទទួលបានសិទ្ធិ សេរីភាពពេញលេញ។ល។ ដូច្នេះ ក្នុងនាមប្រជា ពលរដ្ឋកម្ពុជា សូមថ្លែងអំណរគុណយ៉ាងជ្រាលជ្រៅបំផុតជូនចំពោះសម្តេចតេជោ ដែលបានខិត ខំតស៊ូលះបង់គ្រប់បែបយ៉ាងក្នុងការកសាង និងការពារសន្តិភាពដែលមិនអាចកាត់ថ្លៃបាននេះ។ ជាការតបស្នងនូវគុណូបការដ៏ថ្លៃថ្លានេះ ឯកឧត្តមប្រធានក្រុមការងារបានស្នើសុំឲ្យសមាជិកក្រុម ការងារ បងប្អូន និងអាជ្ញាធរមូលដ្ឋានត្រូវលើកកម្ពស់ស្មារតីទទួលខុសត្រូវទាំងការងារអភិវឌ្ឍសង្គម និងដឹងសុខទុក្ខប្រជាជន ដើម្បីរក្សាបានភាពឈ្នះទាំងអស់គ្នា ជាពិសេស សូមបងប្អូនទៅបោះឆ្នោតទាំងអស់គ្នា នៅថ្ងៃទី៥ ខែមិថុនាខាងមុខ គឺទៅបោះឆ្នោតជូនគណបក្សប្រជាជនដើម្បីបន្តទទួលបានការអភិវឌ្ឍ និងសុខសន្តិភាព សម្រាប់កូនចៅយើង និងប្រទេសជាតិយើង។

ប្រភព៖ Facebook page ឯកឧត្ដម វេង សាខុន

ផ្សាយបន្តដោយ៖ Sesan-សេសាននិយាយពីកសិកម្ម

គ្រុបតេលេក្រាម៖ https://t.me/Sesan_group

ឆាណេលតេលេក្រាម៖ https://t.me/joinchat/JGHFAz3o3Eo2MzU1

Facebook page sesan; https://www.facebook.com/sesan.cambodia/

Tik Tok Sesan; https://vt.tiktok.com/ZSdDLmnNR/

Youtube Sesan; https://youtube.com/channel/UCvbUTKnDrhblquM0rYSQISw

Thursday 28 April 2022

បច្ចេកទេសបន្តក់ទឹកជួយប្រែអ៊ីស្រាអែលពីប្រទេសវាលខ្សាច់ក្លាយជាប្រទេសកសិកម្មលេខ១លើលោក!! 💦😍🌱

បច្ចេកវិទ្យាទំនើបដែលអភិវឌ្ឍដោយក្រុមអ្នកវិទ្យាសាស្រ្ដអ៊ីស្រាអែល រួមទាំងចំណេះដឹងរបស់ប្រជាជនប្រទេសនេះ បានធ្វើឲ្យអ៊ីស្រាអែលប្រែក្លាយពីប្រទេសវាលខ្សាច់មកជានាំមុខគេខាងកសិកម្ម។

បច្ចេកវិទ្យាបន្តក់ទឹក ត្រូវបានអភិវឌ្ឍឡើងដោយវិស្វករទឹកអ៊ីស្រាអែលលោក Simcha Blass ក្នុងអំឡុងទសវត្ស ៦០ ដែលបានជួយប្រែមុខមាត់កសិកម្មក្នុងប្រទេសនេះ និងទូទាំងពិភពលោក។ បច្ចេកវិទ្យានេះ អាចជួយសន្សំសំចៃទឹកពី ២៥ ទៅ ៧៥%ជាមធ្យមដែលផ្ទុយពីការធ្វើកសិកម្មទូទៅដែលស្រោចស្រប់ដំណាំដោយខ្ជះខ្ជាយទឹក។ លើសពីនេះទៀត ដំណាំអាចកើនទិន្នផលខ្ពស់ជាងមុនប្រមាណជា១៥% ជាហេតុធ្វើឲ្យតម្លៃដំណាំធ្លាក់ចុះបង្កភាពងាយស្រួលដល់អ្នកទិញ។

រហូតមកទល់សព្វថ្ងៃនេះ បច្ចេកវិទ្យាបន្តក់ទឹក ត្រូវបានអភិវឌ្ឍជាបន្ដបន្ទាប់ដែលធ្វើឲ្យការស្រោចស្រប់ដំណាំមានប្រសិទ្ធភាពជាងមុន ដោយប្រើប្រាស់ឧបករណ៍សេនស័រដើម្បីស្ទង់ពីសំណើមក្នុងដី ក៏ដូចជាសីតុណ្ហភាពនៅលើស្លឹកដំណាំផងដែរ។ ជាមួយបច្ចេកវិទ្យានេះ អ៊ីស្រាអែលមិនត្រឹមតែអាចដាំដំណាំនៅលើវាលខ្សាច់បាននាំទេ តែថែមទាំងអាចនាំចេញផលដំណាំដើម្បីផ្គត់ផ្គង់ដល់មនុស្សជាង ១ប៊ីលាននាក់ជុំវិញពិភពលោក។

ក្រៅពីនេះ អ៊ីស្រាអែលក៏បានចែករំលែកបទពិសោធន៍ ក៏ដូចជាបច្ចេកវិទ្យាបន្ដក់ទឹកទៅកាន់ប្រទេសកំពុងអភិវឌ្ឍផ្សេងទៀតជុំវិញពិភពលោកដើម្បីបង្កើនទិន្នផលរបស់ពួកគេនៅតំបន់ដែលខ្វះខាតទឹកផងដែរ៕

នាំមកជូនដោយដោយ៖ សេសាននិយាយពីកសិកម្ម

គ្រុបតេលេក្រាម៖ https://t.me/Sesan_group

ឆាណេលតេលេក្រាម៖ https://t.me/joinchat/JGHFAz3o3Eo2MzU1

Facebook page sesan; https://www.facebook.com/sesan.cambodia/

Tik Tok Sesan; https://vt.tiktok.com/ZSdDLmnNR/

Youtube Sesan; https://youtube.com/channel/UCvbUTKnDrhblquM0rYSQISw

Friday 22 April 2022

វិធីផ្សំថ្នាំពុលពីធម្មជាតិកំចាត់ស្មៅ

សូមចូលរួមផលិត និងប្រើប្រាស់ថ្នាំពុលផ្សំពីធម្មជាតិទៅតាម

លទ្ធភាពដែលអាចធ្វើទៅបាន ដើម្បីទទួលបានផប្រយោជន៍

ទាំងអ្នកផលិត និងអ្នកប្រើប្រាស់។

* ធាតុផ្សំ និងសម្ភារៈត្រូវមាន៖

– កាកសំណល់បន្លែផ្សេងៗ

– ដើមចេក (យកដើមមិនទាន់មានផ្លែ)

– ស្ករងូ (ប្រើស្កត្នោតក៏បាន)

– ធុងសម្រាប់ដាក់លាយ

– កាំបិត។

* របៀបបធ្វើថ្នាំ៖

– កាត់ចិញ្រ្ចាំដើមចេក និងបន្លែទាំងនោះជាបំណែកតូចៗរួចដាក់ចូលក្នុងផើងមួយ (ដើមចេក៩០% បន្លែចម្រុះ១០%)

– ចាក់ស្ករងូចូលលៃយ៉ាងណាឲ្យសព្វជោគជាមួយល្បាយ រួចយកល្បាយនោះចាក់ចូលក្នុងធុងមួយគ្របឲ្យជិត

– គ្របវារក្សាទុករយៈពេល១០-១៥ថ្ងៃ

* វិធីប្រើ

– ចាក់យកទឹកថ្នាំពីល្បាយខាងលើ ៥០cc លាយជាមួយទឹក២០លីត្រ

– បាញ់ទៅលើដីស្រែ ឬដីសម្រាប់ដាំដំណាំរួចត្រូវភ្ជួរ ហើយរាស់លុបភ្លាម

– ទុកដីនោះរយៈពេល១០-១៥ថ្ងៃដើម្បីឲ្យសាបជាតិថ្នាំ ហើយយើងអាចភ្ជួរជាលើកទីពីរសម្រាប់ការដាំដុះបាន។

* ការរក្សាទុក

រក្សាមេថ្នាំទុកនៅកន្លែងស្ងួត និងត្រជាក់ ដែលអាចរក្សាទុកបានរយៈពេល១ឆ្នាំ។

* ផលប្រយោជន៍៖

– ធ្វើឲ្យដីមានជីវជាតិល្អសម្រាប់ដំណាំ និងជួយជំរុញការរំលាយ ដើម្បីបង្កើតជាអម្ពុកជីក្នុងដី។

– បង្កើនធាតុសកម្មក្នុងដីកាន់តែច្រើនឡើងរុក្ខជាតិមានឱកាសចាប់យកអាហារបានច្រើន។

– ក្នុងដីមានបាក់តេរីល្អច្រើន នោះបរិមាណអាហារនៅក្នុងដីនឹងសល់កាន់តែច្រើន។

– មិនប៉ះពាល់ដល់សុខភាពរបស់អ្នកផលិត និងអ្នកប្រើប្រាស់។

សូមជួយចែករំលែកបន្តជាប្រយោជន៍ សំរាប់យើងទាំងអស់គ្នា!

______________________________

អត្ថបទដោយ៖ អ៊ាង សុផល្លែត

ផ្សាយបន្តដោយ៖ សេសាននិយាយពីកសិកម្ម

គ្រុបតេលេក្រាម៖ https://t.me/Sesan_group

ឆាណេលតេលេក្រាម៖ https://t.me/joinchat/JGHFAz3o3Eo2MzU1

Facebook page sesan; https://www.facebook.com/sesan.cambodia/

Tik Tok Sesan; https://vt.tiktok.com/ZSdDLmnNR/

Youtube Sesan; https://youtube.com/channel/UCvbUTKnDrhblquM0rYSQISw

Sunday 3 April 2022

បច្ចុប្បន្នភាពកម្មវិធី ASPIRE ប្រចាំឆ្នាំ២០២១ 🌾🌱🍄🐔🐐

កម្មវិធីផ្សព្វផ្សាយបច្ចេកទេសកសិកម្មថ្មីដែលធន់នឹងការប្រែប្រួលអាកាសធាតុ (ASPIRE) គឺ ជាកម្មវិធីរបស់រាជរដ្ឋាភិបាលកម្ពុជា ដោយទទួលបានការគាំទ្រហិរញ្ញប្បទានពីមូលនីធិអន្តរជាតិសម្រាប់ការអភិវឌ្ឍកសិកម្ម (IFAD) និងអនុវត្តដោយក្រសួងកសិកម្ម រុក្ខាប្រមាញ់ និងនេសាទ

សម្រាប់រយ:ពេល ៧ឆ្នាំ។ កម្មវិធីមានគោលដៅសំខាន់គឺកាត់បន្ថយភាពក្រីក្រ និងបង្កើនភាពធន់ទ្រាំនឹងការប្រែប្រួលអាកាសធាតុដល់គ្រួសារកសិករក្រីក្រ និងជនងាយរងគ្រោះចំនួន ១៤៤ ០០០គ្រួសារ ដោយបង្កើនតម្លៃផលិតកម្មកសិកម្មជាមធ្យម ២០% និងតម្លៃទ្រព្យសម្បត្តិគ្រួសារ ២៥%។

ការអនុវត្តកម្មវិធីរយៈពេលជាង ៦ឆ្នាំកន្លងមកនេះសម្រេចទទួលបានលទ្ធផលដូចខាងក្រោម ៖

១- បានគាំទ្រគ្រួសារកសិករបានចំនួន ១៤៨ ២៣០ ស្មើនឹង ១០៣%នៃគ្រួសារគោលដៅ។

២- បានបង្កើនតម្លៃទ្រព្យសម្បត្តិគ្រួសារកសិករគោលដៅពី ១ ៤៥៣ដុល្លារ នៅឆ្នាំ២០១៨ ដល់ ២ ០៥៥ដុល្លារ នៅឆ្នាំ២០២១ ពោលគឺកើនបានចំនួន ៤១%។

៣- បានបង្កើនតម្លៃផលិតកម្មកសិកម្មរបស់គ្រួសារកសិករគោលដៅពី ១ ២០៦ដុល្លារ នៅឆ្នាំ២០១៨ ដល់ ១ ៤៤៨ដុល្លារ នៅឆ្នាំ២០២១ ពោលគឺកើនឡើងបានចំនួន ១៨%។

៤- បានចងក្រងបណ្តុំអាជីវកម្មបានចំនួន ២ ៥៨៤ បណ្តុំ។

៥- បានសាងសង់ផ្ទះសំណាញ់បានចំនួន ៤១៦ សម្រាប់ដំណាំបន្លែសុវត្ថិភាព។

៦- បានសាង់សង់អគារប្រមូលផ្តុំ និងទុកដាក់កសិផល បានចំនួន ១៦៦អគារ និង

៧- បានគាំទ្រការសិក្សា និងរៀបចំឯកសារគោលនយោបាយជាច្រើនពាក់ព័ន្ធនឹងការអភិវឌ្ឍវិស័យកសិកម្ម។

ដោយឡែក លទ្ធផលសម្រេចបានក្នុងឆ្នាំ២០២១ រួមមាន ៖

I- សមាសភាគទី១ ៖ ការអភិវឌ្ឍ និងអនុវត្តគោលនយោបាយ

១- បានបញ្ចប់ការសិក្សាអំពីផលិតភាពកសិកម្មកម្ពុជា ផ្តោតលើបញ្ហាប្រឈម និងទិសដៅគោលនយោបាយ។

២- បាននិងកំពុងធ្វើបច្ចុប្បន្នភាពអំពីគោលនយោបាយផ្សព្វផ្សាយកសិកម្ម។

៣- បាននិងកំពុងសិក្សាអំពីកាផ្តល់ថវិកាសម្រាប់សេវាកម្មផ្សព្វផ្សាយកសិកម្មនាពេលអនាគត។

៤- បានបង្កើតកម្មវិធី App ស្តីពីការបញ្ចូលវិធីសាស្រ្តវាស់វែងការអនុវត្តថវិកាកម្មវិធី ក្នុងការធ្វើឲ្យប្រសើរឡើងនៃប្រព័ន្ធតាមដាន និងវាយតម្លៃថវិកាកម្មវិធី។

II- សមាសភាគទី២ ៖ ការអភិវឌ្ឍសមត្ថភាពសម្រាប់ផ្នែកសេវាផ្សព្វផ្សាយ

១- បានបង្កើតកសិដ្ឋានបង្ហាញនិងផ្តល់វិញ្ញាបនបត្រ CamGAP លើកសិដ្ឋានបន្លែ និងផ្លែឈើ ព្រមទាំងបង្ហាញអំពីប្រព័ន្ធធានាដែលមានការចូលរួម។

២- បានដាំពង្រីកពូជដំឡូងមី KU-៥០ លើផ្ទៃដី ១៥ហ.ត នៅកសិដ្ឋានផលិតគ្រាប់ពូជដំណាំចំការលើ។

៣- បានគាំទ្រសហគមន៍កសិកម្ម តាមរយៈការផ្តល់ពូជ គាំទ្របច្ចេកទេស និងការគ្រប់គ្រងដំឡូងមី ដែលមិនមានជំងឺម៉ូសាអ៊ិច។

៤- ធ្វើការអភិវឌ្ឍន៍មូលដ្ឋានគេហទំព័រសម្រាប់កម្មវិធី E-Learning ក្នុងការបណ្តុះបណ្តាល និងផ្សព្វផ្សាយបច្ចេកទេសកសិកម្មដល់ភ្នាក់ងារផ្សព្វផ្សាយឃុំ។

៥- បាននិងកំពុងសិក្សាអំពីតំបន់សក្តានុពលសម្រាប់ការជំរុញផលិតកម្មដំណាំអាទិភាព។

៦- បាននិងកំពុងអភិវឌ្ឍប្រព័ន្ធឌីជីថលគ្រប់គ្រងទិន្នន័យផលិតកម្មដំណាំ។

III- សមាសភាគទី ៣ ៖ ជំរុញសេវាកម្មផ្សព្វផ្សាយ

១- បានបង្កើតបណ្តុំអាជីវកម្មកសិកម្មបានចំនួន ៥៨៧បណ្តុំ មានសមាជិកសរុបចំនួន ២៣ ២៩២នាក់ (ស្ត្រី ៨ ៤៦៣) ភាគច្រើនផ្តោតលើផលិតកម្មកសិកម្មចំនួន ៣៣មុខរួមមាន ៖ ស្រូវ ស្រូវពូជ បន្លែ ឪទ្បឹក ស្លឹកគ្រៃ ផ្សិត ម្ទេស ផ្លែប៊រ ទុរេន មៀន ត្រសក់ផ្អែម ក្រូចថ្លុង សាវម៉ាវ ពោត ស្វាយចន្ទី ស្វាយ ដំឡូងមី ដំឡូងជ្វា អំពៅ កូនឈើ កាហ្វេ ឬស្សីផ្អែម ទឹកឃ្មុំ ជ្រូក គោ ពពែ មាន់ ទា ក្តាម បង្គា ត្រី កង្កែប និងចង្រិត។

២- បានសម្របសម្រួលរៀបចំកិច្ចព្រមព្រៀងស្តីពីផលិតកម្មតាមកិច្ចសន្យាបានជាង ២០ ដែលមានតម្លៃសរុបជាង ១៥លានដុល្លារ។

៣- បានផ្តល់អគារប្រមូលផ្តុំផលិតផលកសិកម្ម ចំនួន១៦៦កន្លែង និងផ្ទះសំណាញ់ចំនួន ៩៣

៤- បានបង្កើតប្រព័ន្ធតាមដាន និងវាយតម្លៃនិងព័ត៌មានសម្រាប់គ្រប់គ្រង ដើម្បីប្រមូលទិន្នន័យ ស្តីពីការអនុវត្តសេដ្ឋកិច្ច ភាពធន់នឹងការប្រែប្រួលអាកាសធាតុ និងការចុះបញ្ជីកសិករ អ្នកទទួល ផលបណ្តុំអាជីវកម្ម និងការវាយតម្លៃបណ្តុំអាជីវកម្ម។

IV- សមាសភាគ ៤ ៖ ហេដ្ឋារចនាសម្ព័ន្ធគាំទ្រផែ្នកកសិកម្មដែលមានភាពធន់ទ្រាំនឹងអាកាសធាតុ

១- បានគាំទ្រគម្រោងហេដ្ឋារចនាសម្ព័ន្ធដែលមានភាពធន់នឹងការប្រែប្រួលអាកាសធាតុដល់កសិករចំនួន ២០ ៣៩៣គ្រួសារ ដែលមានលទ្ធភាពទទួលបានទឹកស្រចស្រពលើផ្ទៃដីសរុប ២០ ៣៩៣ហ.ត។

២- បានវាយតំលៃផែនការអភិវឌ្ឍន៍ឃុំរយៈពេល ៥ឆ្នាំ និងកម្មវិធីវិនិយោគឃុំរយៈពេល ៣ឆ្នាំ ស្តីពីការកាត់បន្ថយភាពងាយរងគ្រោះពីការប្រែប្រួលអាកាសធាតុ និងបញ្ជ្រាបការបន្សាំទៅនឹងការប្រែប្រួលអាកាសធាតុ។ ការអនុវត្តកម្មវិធីចំការ App តាមរយៈគម្រោងការបង្កើនយ៉ាងរហ័ស នូវកម្រិតជីវភាពគ្រួសារកសិករដែលមានទំហំផលិតកម្មតូច ដោយប្រើប្រាស់ព័ត៌មានវិទ្យា សំដៅឆ្លើយតបនឹងបញ្ហាជំងឺកូវីដ-១៩។

៣- កសិករចំនួន ៤៤ ០០០នាក់ (ស្ត្រី ២៩% និងអាយុពី ១៧-២៩ឆ្នាំចំនួន ៣៩%) បានចុះ ឈ្មោះក្នុងកម្មវិធី Chamk App។

៤- មានកសិករចំនួន ៤ ៤៣០នាក់ (ស្ត្រី ៣១%) បានប្រើការហៅទូរស័ព្ទ និងប្រើបណ្តាញពិភាក្សាព័ត៌មានបច្ចេកទេសកសិកម្ម ដើម្បីទទួលបានព័ត៌មានផ្នែកផ្សព្វផ្សាយបច្ចេកទេសលើដំណាំ និងបសុសត្វ។

៥- មានកសិករចំនួន ២៨១៣នាក់ (ស្ត្រី ២១%) បានប្រើប្រាស់បណ្តាញទីផ្សារ ដើម្បីទិញធាតុចូលកសិកម្ម និងបង្កើតទំនាក់ទំនងអាជីវកម្មជាមួយក្រុមហ៊ុនឯកជន។

៦- បានចុះឈ្មោះអ្នកផ្គត់ផ្គង់ធាតុចូលចំនួន ៤០នាក់ ក្នុងកម្មវិធី Chamka App ដើម្បីលក់ធាតុចូលកសិកម្មរបស់គេ។

៧- បានគាំទ្រជាធាតុចូលកសិកម្មដល់គ្រួសារកសិករខ្នាតតូចក្រីក្រដែលមាន និងគ្មានប័ណ្ណក្រីក្របានចំនួន ១ ៩០០គ្រួសារ

៨- មានកសិករច្រើនជាង ៤ ០០០នាក់ បានទទួលការគាំទ្របច្ចេកទេសលើផលិតកម្មបន្លែ និងមាន់ស្រែ។

ក្រសួងកសិកម្ម រុក្ខាប្រមាញ់ និងនេសាទសូមថ្លែងអំណរគុណយ៉ាងជ្រាលជ្រៅជូនចំពោះរាជ រដ្ឋាភិបាលកម្ពុជា តាមរយ:ក្រសួងសេដ្ឋកិច្ច និងហិរញ្ញាវត្ថុ សហការជាមួយមូលនីធិអន្តរជាតិសម្រាប់ការអភិវឌ្ឍកសិកម្ម (IFAD) ដោយបានគាំទ្រហិរញ្ញប្បទានសម្រាប់អនុវត្តកម្មវិធី។ ពិតណាស់លទ្ធផលនៃកម្មវិធីបាននិងកំពុងចូលរួមចំណែកយ៉ាងសកម្មក្នុងការកាត់បន្ថយភាពក្រីក្រ តាមរយ:ការបង្កើនភាពធន់ទ្រាំនឹងការប្រែប្រួលអាកាសធាតុដល់គ្រួសារកសិករក្រីក្រ និងជនងាយរងគ្រោះដែលបានប្រកាន់យករបរកសិកម្មជាការងារស្នូលប្រចាំគ្រួសារ ហើយក្រសួងសង្ឃឹម និងជឿជាក់ថារាជរដ្ឋាភិបាលកម្ពុជា និងអង្គការ IFAD នឹងបន្តគាំទ្រកម្មវិធីនេះ៕